Cada día seleccionamos e envasamos en Galicia a laranxa e a mandarina que están no seu mellor momento. Máis de corenta anos facéndoo.
Que hai agora?Santa Margarita non é unha soa variedade: imos cambiando ao longo do ano para ofrecer sempre a que está no seu punto.
Calendario orientativo: as datas poden variar dunha campaña a outra.
A primeira laranxa da campaña. De embigo, doce e doada de pelar. É de mesa, aínda que ao comezo da tempada tamén se usa para zume, ata que chegan as primeiras Salustianas.
Redonda e de tamaño mediano, con polpa tenra e moi zumarenta e bo equilibrio entre dozura e acidez. É a nosa laranxa de zume do inverno.
Laranxas de embigo serodias, doces e de polpa firme. Collen o relevo como laranxa de mesa ata ben entrada a primavera.
A laranxa de primavera e verán, das que máis zume teñen. Pel fina e lisa. Alonga a campaña ata o outono.
A primeira mandarina da tempada: unha satsuma de pel moi fina, cor laranxa amarelada e doada de pelar.
Suave, zumarenta e de cor laranxa amarelada. Pélase con moitísima facilidade.
Tamén chamada Nova. De cor laranxa moi intensa, doce e con moito zume. A súa pel é fina, pero custa algo máis de pelar.
Mandarina serodia, pequena e achatada, doce e de cor laranxa avermellada moi intensa. Doada de pelar. Pecha a tempada de mandarinas.
Tamaño, peso, sementes, pel e pelado: fichas de variedades do IVIA (Instituto Valenciano de Investigaciones Agrarias) e, para Okitsu e Satsuma, de Vivercitrus.
Foto provisionalA finais dos anos 70, Ángel González e María Luisa Paredes empezaron a envasar laranxas eles mesmos nun pequeno baixo da rúa Maravillas, na Coruña, preto do parque de Santa Margarita. De aí vén o nome. Hoxe seguimos facéndoo, cada día, na nosa central de Miño.
As laranxas e mandarinas Santa Margarita véndense en froitarías de Galicia. Búsqueas así:
Ten unha froitaría?Fágase cliente de Frutas Chantada: traballamos con froitarías, hostalaría e almacéns de Galicia.
Frutas Chantada →